1.Özünü idarə edə bilməyən insanlar başqalarına ağıl,məsləhət verə bilməz.

2.Həyatda ən yüksək elm müdriklikdir.Ən yüksək müdriklik isə xeyirxahlıqdır.

3.Müdrik insanlar itirəndə də,tapanda da həyatın nəbzini tutmağı bacarırlar.

4.Tənbəllikdən qorx ki,o,bütün eyblərdən daha pisdir.Çünki,bu dünyada zəhmətsiz heç nə başa gəlmir.

5.Vaxt həyatın vicdanıdır.İtirilmiş vaxt adamı itirilmiş vicdandan daha çox narahat və məyus edir.

6.Yaxşı ailə qurmaq üçün təkcə məhəbbət kifayət deyil.Bunun üçün yaxşı,səmimi dostluq da lazımdır.

7.Zehnin itiliyi səfeh və puç xəyallara qapılan zaman axmağlığa çevrilir.

8.O adam ki,qaranlığı hiss etmir,o heç vaxt iişıqlı dünyaya can atmayacaq.

9.Bir insanda təxəyyül yoxdursa,o,nəsə barəsində mülahizə irəli sürə bilməz.

10.Yaxşı adamlar olmasaydı,həyat ilan zəhəri kimi acı olardı.

11.Qızıl yerdə qalmaz,yaxşılıq isə yolda.

12.Cinayətdən sonra tövbənin heç bir faydası yoxdur.

13.Dahi o insandır ki,onun ürəyi hamı üçün döyünür.

14.Zəiflərə mərhəmət göstərmək ədalətli olmaq deməkdir.

15.Xeyirxahlıq heç zaman köhnəlməyən libasdır.

16.Göz lazım olmayan yerə də baxa bilər,amma baxıb baxmamaq sənin öz əlindədir.
17.Əxlaqsız adamın şərəfi olmaz.