მინდორ-ველს
წითელ-ყვითელ ბაფთებიანს,
ხვაშიადს-
რაც არასდროს დამცდენია,
იმედებს-
თავდადრეკილს მძიმე ხვედრით,
მოლოდინს-
ვერასდროს რომ ვიმეტებდი,
ოცნებებს-
სიზმრებით რომ დამთვარულა,
მოგონებებს-
ამოგებულს თავსასთუმლად,
სურათებს-
მარტოობით დამეწყრილებს,
იმ თვალებს-
ვისაც ძილში დავეწყვილე,
სიყვარულს-
გადაჩეხილს ზვავ-მეწყერად,
სიხარულს-
სიცოცხლე რომ არ ეწერა,-
ვიგონებ...
ტკივილამდე თვალცრემლიანს,
და ამ ცრემლების ღვრის
არ მრცხვენია!
Ei ole kommentteja vielä.
Jätä kommenttisi, aloita keskustelu!